3. — « Un dén santel, mar en dès, e bredeg bamdé,
« En ol hia d’er cheleuet, me houér dès eüé :
« Ean e zou hanüet Jésus hag e ziscléri
« É ma, ne pas ur Prophèt, mœz er guir Messi.
4. — « Ha quei té d’er cheleuet, mar carès, me houér,
« Aveid on mé n’en d’ein quet, ne mès chet amzér ;
« N’en dé quet ged catechim, na ged predegeu,
« É on mé goleit a eur, a ziamanteu.
5. — « Mari-Madelén, me houér, fariein e hrès :
« Ged Doué ol ér madeu-zé receüet ne hès
« Nameid eid er chervijein ha prenein en nean,
« Ha get-ai e n’hum zànès, té hag ha nessan !
6. — « Taüet, me houérig Matel, me hiei de huélet
« En dén-zé a santeleah, ha d’er cheleuet. »
Hag en ternoz Madelén. mitin e saüas,
Aveid hum huskein arré braüan ma hellas.
7. Madelén e arriüas abred én dachen,
Hi e dostas de Jésus, e saüas hé fen,
Hag er hleuas é laret : nemb e chervij Doué
E débou é raug er gloér hag er vanité.
8. « Ur bugul, emé Jésus, e lausk é zevend
« Eid clah en oén fariet chomet ar en hent,
« Ha ean e gonz braü d’oh t’hi, ha memb hi hemér
« Propik mat ar é ziscoé, eit hi hass d’er guér. »
9. Madelén, conzeu Jésus a p’hi dès cleuet,
Bet en don a hé halon hi bun sant touchet,
E daul kentéh bizeuiér, dantel ha pêrléz,
Hag e skô ar hé halon é quiz ur follés.
10. — « Brageriseu, dillad caêr, d’ein cauz é oh bet
« De droein kain de Zoué, me zad, eld plijein d’er bed ;
« Revou groeit a neoh ol ur houiliaden,
« Ma vou guélet er mogued a Jerusalem.
11. — « Ne pas, me houér Madelén, ne veint quet losket,
« Reit e veint d’er beurizion, d’en énevadet ;
« Hag elsé te blljou hoah de Zoué mui-oh-mui,
« Ha ean te récompansou el m’en dé deli. »
