12
ar verc’h vihan hag an tad koz
|
He sonj gerze raktal
Da gomzou hor Salver : « Meur a lec’h benniget
A zo e ti va zad. »
Perak na vefe ket
Ha va zad, ha va mam, va greg, va bugale
Er steredenn lugern da genta, a zale
Beteg an de, hanvet er mintin Lusifer,
Pe steredenn an heol, d’abardaez Vesper.
Pe c’hoaz e Breiz-Izel steredenn ar meser.
Ha deuz roet ouspenn he hano d’hor gwener ?
Awechou gand eurvad he zellou a starde
War an teir stereden galvet an tri roue ;
Pe war an Ours-Vihan, Sirius, an Ours-Vraz,
War ar C’haor, an Dragon, al Léon ha Pegaz.
Kalz plijadur en doa o tiviza bemdez
Gant pephini anhe. Hogen, aman ivez
Lezenn ar garante ne gollez ket hi zro.
|
