Kement tra zo krouet a bado da viken.
Netra ne ia da goll. Pa welan eun delienn
O koueza, o ruilla kaset gand an avel,
O vreina, daoust hag hi a ia eeun da vervel ?
Salokroaz, ar maro ne ze nemed eur ger,
An delienn dizec’het ha breinet, mar kerer,
Azsavo adarre en eun delienn nevez,
Pe n’em droko e seo, ha marteze e frouez.
Gwelomp eur c’hreuneun ed ; hi a vrein en douar,
Oh ! ia-zur, med evit azbeva en he c’hloar.
Me zant ive penoz va spered a zo gret
