Biskoaz an drouk speret n’euz stignet falloc’h tra
« E vo red din lezel brec'h va mab da goueza.
« C’houec’h de em boa roet d’an dud vit labourad,
« Med ar zeizvet zo d’in, ha den n’hen vir ervad »
Gand ar sotoni ze daoust ha c’hui gav c’houez vad ?
Hag ar werc'hez a ve muioc’h trugarezuz
Eget salver ar bet ? Euzuz, Aotrou, euzuz ! !
« Eun Doue zo hepken, eun advocad hepken
« Etre Doue ha ni, Jesus-Christ mab an den »
Ze lennomp el lizer gant Pol da Dimote,
Ha c’houi hen deuz lennet michanzik koulz a me.
Ar werc’hez n’hem rafe Doue hi he unan !
Ne ket hi, mez an dud her ra Doue breman !
Laouik silaou bepred, hep lavaroud netra.
Med Loranz ia en dro, ha falz kammet ne ra.
Ar werc’hez hirie zo a uz Doue an tad !
Ia, siouaz, kement se ne ze met re anad.
Petra weler breman, ebarz an ilizou ?
