Pajenn:Calloch - A Genoux.djvu/146

Gwiriekaet eo bet ar bajenn-mañ


PÉDEN ÉN TÉOÉLED

« Plorans ploravit in nocte, et lacrymæ ejus in maxillis ejus… »

(Threni, I, 2.)

————


I

Ne houlennet ket più zo azé, Gout e ret
E ma mé en em stleij é toul Hou tor aré :
En Hou kalon, Jézus-kariad, Jézus karet,
Deit onn de ziskargein me halon, rak bar é.
 
Deit onn… Deùéhat é. En noz dall e zisoh,
E hroñn er mor, hag en tiér, hag er mézeu ;
Hous ilizeu, pe gouéh en noz, e zo dousoh,
Lesket mé de ziskuih un eur an en treuzeu.

Lesket mé. Flastret onn. Mont eraog n’hellan mui
Edan méh me fehed en um gromma me hein,
Edan béh mé ankén éh onn pariù… O Hui,