Pajenn:Calloch - A Genoux.djvu/87

Adlennet eo bet ar bajenn-mañ


Huéh ar er ré-Varù men astennet él lann vras,
Dehé oll er vuhé e zakori. « Me ras
El men doé goulennet er Mestr Oll-Gelloudek.
Er Spered ’zisohas éné, ha, buhéek,
Nerh én ou ezéli, én ou goahiad goed,
Chetu er helaneu én um lakat ar droed.
Mileu ha mileu e ùélen èl un armé,
E rédek hag én um dolpein ardro d’ein-mé.

    « Oll er relégeu-man, gendalhas en Eutru,
E zo Rum Israel. Ind e lar : « A bep tu
’Ma lédet hon eskern ; hor goanag zo a blad,
Rannet é bet é pemp pé huéh tam hon foblad ».
Prezeg enta dehé ér giz-man : « Jéhova
E venn ma touginn d’oh E Gonz santel. Me za.
Chetu er peh en dès laret Mestr Israel :