Pajenn:Canticou spirituel composet evit usach ar Missionou, 1836.djvu/114

Kadarnaet eo bet ar bajenn-mañ
110
Canticou spirituel.



O pebez sec’het ameus-me
D’ho caout-hu, feunten a vuë !
N’en deus ar c’haro c’hoant quen bras
Da redec d’ar feunteunyou glas.

O Tad Eternel va C’hroüer !
Digacit prest din ho Map quer,
Evit ma pligin deoc’h dreizan,
O veza unisset gantan.

Guerc’hes Vari, Mam da Jesus,
Roït din ho Map trugaresus ;
Va sicourit, Mam à drues,
Da vont d’ar guir dour a vues.

O va Eal mad ! me ho suppli,
P’oc’h eus ac’hanon ar sourci,
Cacit diouzin an ærouant,
Na droublo quet va santimant.

Va faëron, va Maërones quer,
Pedit evidon va Salver,
Ma ellin d’am silvidigues
Dibri ar frouezen a vües.

Me ho ped, Sent ha Santeset ;
Ha c’hui oll Ælez henniguet,
Offrit da Zoue ho santeles,
Da fournissa d’am paourentes.




NAVET-VAR-N’GUENT CANTIC.


Evit elumi en hor c’halon un desir bras d’en em unissa gant hor Salver, dre ar Gommunion. Var an ear gallec : Pense, mortel, à t’y résoudre.



Deut, va Doue leun à vadeles,
Deut, ha na dardit quet re hir,