24.
Da oll bardonniou ar Folgoët
Deja o devoe accordet
Da jamæs cant devez pardon
D’an oll belerinet guirrion.
25.
Ar pardonniou principalla
A celebrer en Ilis-mâ :
E mis eost, ar sûl qenta ;
Er mêmèz mis, guel Maria .
26.
D’an eisvet à vis goengolo
E teu pelerin à beb-bro,
Ennez eo deiz ar pardon-bras :
Mari en deiz-ze a c’hanas.
27.
Oh pebez dudi eo guelet
Processionou caër-meurbet
O tond d’ar Folgoët en deiziou-ze,
Evit saludi Mam Doue !
28.
Processionoù Lesneven,
Re Plouzeniel a Sant-Even,
Re Ꝃnouez ac an Drennec,
Ac ive re Tregarantec.
