Adlennet eo bet ar bajenn-mañ
9
Catechis.
R. Ret eo ober Sin ar Groas gant
devotion, da vintin pa ziuner, da nos pa
zer da gousquet, e commançamant ar
pedennou hac an actionou principala, pa
ver tentet pe exposet da un danger bennac.
AN EIL CHABIST.
Eus a Zoue hac ar principala Misteriou eus ar Feiz.
Ar guenta Quentel.
Eus a Zoue hac e Berfectionou.
G. PEtra eo Doue ?
R. Ur Speret infinimant parfet, Crouer ha Mestr absolu da guement tra so.
G. Hag-èn so oc’hpenn un Doue ?
R. Salocraç n’eus nemet un Doue, ha n’all bea nemet unan.
G. Perac e leveret-hu eo Doue ur Speret ?
R. Rac n’en deus na corf, na liou, na figur, ha n’ell quet bea anaveet dre ar squianchou naturel.
G. Perac e leveret-hu eo Doue infinimant parfet ?
R. Rac m’en deus an oll perfeccionou, ha n’eus fin ebet deo.
G. Pere eo Perfeccionou Doue ?