CATECHIS TREGUER
Declaratio sermonum tuorum illuminat, et intellectum
dat parvulis Ps. 118, 150.
An explication dimeus ho comso, ô ma Doue ! a ro
sclerigen hac intendamant dar re vian.
PREPARATION.
I. Quentel.
Voar ar C’hatechis.
Goulen. HA c’hui so Christen ?
Respond. Ya, a drugare Doue.
G. Piou eo an hini a dle beân hanvet christen ?
R. An hini so badeet, a gred hac a ra profession eus an Doctrin Christen.
G. Petra eo an Doctrin Christen ?
R. Doctrin Jesus Christ.
G. Нac en so necesser gout a praticân an Doctrin Christen ?
R. Ya, mar fell dimp beân salvet.
G. Pellec’h e tisquer an Doctrin Christen ?
R. Er C’hatechis.
G. Petra eo ar c’hatechis ?
R. Un instruction familier ên pehini e tisquomp pevar zra.
G. Leret din ar pevar zra-se ?
R. Credi, goulen, ober, ha receo.
G. Petra dleomp-nîn da gredi ?
R. An oll articlo a fe, ha principalamant ar re so er Gredo ?
