X Quentel.
Voar ar pec’het.
G. PEnos e torer Gourc’hemenno Doue, ha re an Ilis ?
R. Dre ar pec’het, pehini eo brassân drouc so er bed.
G. Petra eo ar pec’het ?
R. Quement so a enep Gourc’hemenno Doue ha re an Ilis.
G. Petra eo ar pec’het originel ?
R. An hini a deu guenemp voar an doüar, evel bugale da Adam.
G. Penos e ve effacet ar pec’het originel ?
R. Dre ar Vadiant .
G. Petra eo ar pec’het actuel ?
R. An hini a gommettomp ac’hanomp hon unan.
G. En pet fæçon e c’heller pec’hi ?
R. En peder, dre sonch, dre goms, dre œuvr, ha dre omission.
G. Petra eo pec’hi dre omission ?
R. Manquout da ober ar pes so commandet.
G. Pet sort pec’het actuel so ?
R. Daou sort, ar pec’het veniel, hac ar pec’het marvel.
G. Petra eo ar pec’het veniel ?
R. Ar pec’het ne lem quet diguenimp graç Doue, mæs e diminui a ra.
G. Petra eo ar pec’het marvel ?
R. Ar pec’het a lem diguenimp graç Doue hac hon rent dign a boanio an Ifern.
