Adlennet eo bet ar bajenn-mañ
32
IEZ BREIZ.
V.
Er broïou pell ma c’halonik,
Evel ar Gwennili d’he neiz,
A huana da iez Arvorik, —
Rag te, iez koz, eo buhez Breiz ! —
VI.
Vel ma tiwall ar Mesaër
He oanedigou oc’h ar Bleiz,
Breiziz, diwallomp hon iez kaer, —
Rag te, iez koz, eo buhez Breiz !
VII.
Gwasket oud gant ar C’hallaoued,
Eneb ar gwir, eneb ar reiz,
Met did eo ma c’halon bepred, —
Rag te, iez koz, eo buhez Breiz ! —
VIII.
Gouzanvomp peb-tra, tud ma bro,
Evomp dour, debromp bara heiz,
Met dalc’homp-mad bet’ ar maro, —
Rag te, iez koz, eo buhez Breiz ! —
IX.
Kanomp hon gwerziou, hon zoniou,
Stourmomp ouz ar Gall a c’houez preiz,
Stourmomp ! ha miromp hon giziou…—
Rag te, iez koz, eo buhez Breiz ! —
X.
Gand eur werz-koz ha sin-ar-groaz
Pa c’houlenn ar paour kez lojeiz,
