Pajenn:Crocq - Pebeuz votadeg, 1924.djvu/3

Adlennet eo bet ar bajenn-mañ

— 965 —

LISTENN VAT

1. Beskont A Gernetra, Perc’hen-bras.
2. Laou ar Sec'h, hostiz.
3. Lann ar Gargamm, marc'hadour-kezeg.
4. Job an Toker, kemener.
5. Fanch ar Goff, miliner.
6. Jakez Kalvez, labourer-douar.
7. Yann ar C’hastel, devezour.
8. Fanch ar Buzug, labourer-douar.
9. Beuzeg ar Raz, pesketour-koz.

· · · · · · · · · · · · · · · · · · · · · · · · · · · · · · · · ·

Digasit holl ho moueziou d’al Listenn vat

⁂

LISTENN WELLOC'H

1. Lomm ar Pennker, tieg-bras.
2. Lann ar Gleb, hostiz.
3. Jopik ar C’hemener, toker.
4. Fanch ar Penntach, marichal.
5. Jakez Touldouar, kalvez.
6. Saïk Kiger, kloc’her.
7. Yoen ar C’hastel, devezour.
8. Yann ar Gonidek, merour.
9. Tudy ar Raz, mestr-pesketour.

· · · · · · · · · · · · · · · · · · · · · · · · · · · · · · · · ·

Plantit holl er pod hanoiou al Listenn Welloc’h

Santez Anna ! Na pebeuz bec’h e Toulloupri !…

(1) ugent da roï moueziou.

(2) tric’hwec’h o kesta moueziou.

(3) daou da zispartia.

… Ha ma vije, eus an daou-man, unan e pep tu ?…

Bec’h, me lavar d’eoc’h !… An daou-man, red eo lavaret piou : da genta-penn, an aot. Person, koz, skuiz, klanvidik, hanter-gabac’h, bepred koulskoude d’ar piltrotik, duman-duhont, deut mat gant an holl… — d’an eil (ha d’al lost) : Salaün ar Pennker, eun tri-c’hart glapez, breur d’an tieg-bras, Lomm ar Pennker met ne oa ket evit en em ober gant e vreur, hag e oa da neuze mevel e ti, Beskont a Gernetra !…

Evelse emomp ganti !… Farz a vez er zac’h peurliesa, met ive er vuhez awechou !…

⁂

D’e dermen a c’han pep tra : setu ma c’hanas goulou-deiz ar « votadeg dispar ». Va amezeg gwechall, Jermen ar Veillberarbroën, en dije lavaret e oa « lubrisite » en ear. Ha gwir e oa, tredan a oa ebarz.