Pajenn:Crocq - Prizonier ar republik, 1909.djvu/1

— 117 —

PRIZONIER AR REPUBLIK

————

(E prizoun Kemper. Eun toul tenval, sklerijennet hepken gant eun tamm prenestr barinier-houarn warnan ; en eur c’horn-tro, eun dornad plouz astennet war al leur-zi. E-kreiz ar prizoun, eun den koz, eul labourer-douar, gwisket e giz Kerne-Izel, a zo azezet war eur c’hoz skabel-goad, e benn etre e zaouarn.)

I

Ar Prizonier, e-unan

Labourer-douar kez, ar reuzeudik ma ’zoun !
Setu me, va unan, stlapet en eul toul doun,
En eur prizoun tenval, egiz eun torfetour…
Eur miz a zo ’n am euz nemed bara ha dour
Evit terri va naon ; va gwele yen ha louz,
Kalet d’am izili, zo eun dornadig plouz
Aman e tiwaskan poaniou ar c’haleta !
Peseurt torfed heuzus am euz me great eta,
P’emoun gant al laëron hag an torfedourien^[sic]