Pajenn:Dastumad - Bleuniou-Breiz.djvu/124

Adlennet eo bet ar bajenn-mañ
— 120 —



« El lec’h ma voa c’hoarzadek kent,
« E vo neuze skringnadek dent,
« El lec’h ma voa kanaouennou,
« E vo klevet skrijadennou… »

Hag ar Roue fur, spouronet,
He verc’h en deus bet kelennet :
Mes, diskaret dre ar gosni,
N'eus mui an ners da stourm out-hi.

Ha, skuiz gant rebechou he zad,
Evit mont d’eus he zaoulagad,
Hi ’deus gret, gant droug sperejou,
Eur palès kaër tost d’ar sklujou.

Eno, gant he amourouchen,
Ema fenos an abaden,
Eno, en aour hag er perles,
Evel an heol, e par Ahès…