Hag ar Roue koz, trubuillet,
Er meaz he vele zo saillet :
« Din-me, din-me, va marc’h prima !….
« Siouas ! Peurgollet ar gear-ma !….
Ha gant glac’har, e ber amzer,
E kerz da heul he vignon ker,
Ha var ho lerc’h, en eur iudal,
E klevont ar môr o ruillal.
Neuze ar Brincès dirollet,
He amourous gant-hi kollet,
Dre gear Is, a glei hag a zeo,
A rede, dispaket he bleo.
Mes pa gleo daou lamp ar c’hezek
Araog ar môr o tiredek,
Dre al luc’hed, gant nec’hamant,
E c’hanve he zad hag ar zant.
