« Va zad, va zad, ma em c’harit,
« Var ho marc’h skanv va c’hemerit :
Hag heb respont, an tad tener
A zav he verc’h var ann tailler.
Kerkent ar môr a vuanna,
Ha Gwenole, en eur grena,
A gri : « Gralon, tôl an diaoul-ze,
« Divar dailler da hinkane !…»
Kouskoude c’hoas, leun a enkres,
An tad a zalc’h ar bec’heres :
Mes ar sant a ra sin ar groaz,
A deu hag a sko gant he vaz.
Kerkent mestres an droug speret
A ruill er môr bras fuloret,
Hag e kleo tost ar Roue koz
Eur c’hoarzin skiltr e kreiz an noz.
