Adlennet eo bet ar bajenn-mañ
— Me na rann van euz ho marc’h gwenn,
Ken nebeut rann euz he berc’hen,
— Deut-hu gan-en ebarz ar c’hoat
Ha me laro d’ehoc’h eur gomz vad !
— ’Vid-oun da veza er stivel,
Va gwad a zo a wenn huel.
’Vid-oun da veza kannerez
Va zad a choum enn eur palez.
Me ’m euz eur breurik e pell bro,
Aotrou, ma klevje ho komzo,
Ho tiframje a bechadou
Da lakât war ar c’hroaz-henchou.
— N’anaïec’h ket ho preurik ker
Pa ’z eaz-hen kuit euz ar ger ?
— Me oa iaouankik em c’havel
Pa ieaz va breur er broiou pell !
