Pajenn:Dastumad - Bleuniou-Breiz.djvu/16

Kadarnaet eo bet ar bajenn-mañ
— 4 —



Kousket war va c’halon, abenn dek miz goude,
Evoa eur mab bihan, eunn elik da Zoue ;
Evel peb mamm, ge e kanenn ;
Tad-koz e korn ann tan a c’hoarze o selaou ;
Allaz ! petra voa d’in neuze kana soniou ?
Ar vue zo c’houerv da dremenn !

Red eo kaout soudarded, ha warc’hoas hor bugel,
Ma n’en devez soutenn, mar deut d’hen dilézel.
Da vrezellour vo kemeret ;
Ha ni, tud koz mantret, petra raimp er vro ?
Ha ! kouls e vo hada louzaouenn ar maro
Dirag hon dor bepret serret !

Evit va mab em euz gret ar pez a dleienn :
Peillet em euz huel-var, melchon, ha benterc’henn,
D’ann noz, war ribl eunn hent distro ;
Eur walenn sten, er vourc’h, zo d’in benniget mad,
Enn eur feunteun santel eo gwelc’het ann dillad,
Pere warc’hoaz vo war he dro.