Adlennet eo bet ar bajenn-mañ
— Ia, ar vro-ze eo Breiz-Izel,
Kudon a nij a denn-askel
War zu ma bro, lavar, koulmik,
Deiz-mad da Vona, ma dousik. —
— Lâr d’in, anaout a rez ar vro
A gar he gisiou koz ato ;
Ma peder c’hoaz enn ilizou
Hag er vered, war ar besiou ? —
— Ia, ar vro-ze eo Breiz-Izel.
Kouabren, kaset gant ann avel,
Eunn tamm d’ann douar diskennit,
Ha bete ma bro ma dougit. —
— Lâr d’in anaout a rez ar vro
Ma kaner gwerziou ha sonio
E tal ar fornigal, bep noz
E koûn oberiou ar re goz ? —
