Adlennet eo bet ar bajenn-mañ
ILIZ PLONÉOUR.
————
« War zao ! Ploneouriz sant Jermenn !
Ho pleo tronset ha sonn ho penn,
It da ziskouez d’ho koaperien
Na grenit ked dirak fesken.
« Kals re bell oc’h euz gouzanvet
Enn abek d’in, va mignoned,
Peb goaperez, peb glaouregez
Aberz kement a stelj botez !
« Kement koz-ki a zo er vro,
(Boed ar vran ho c’horvou maro !)
Pa fell d’e-hoc’h moned e neb lec’h,
A zeu da chalpat war ho lerc’h !
