Adlennet eo bet ar bajenn-mañ
— 13 —
IX DIVIZ
Jakez, Laouik
Laouik
Eat eo kuit. Ne ket re abred.
Jakez
Ia va zad, mes kent an noz e teuio enn dro da c’houlenn e arc’hant,
Laouik o c’hoarzin
Amzer zo, betek an noz. Lavaret em euz d’id mont da zihuna Saïk.
Jakez
Her dihunet am euz. Saïk ! Saïk !
X DIVIZ
Jakez, Laouik, Saïk
Saïk
Labour ho peuz da rei d’in ?
Laouik
Ia da, eul labour euz ar re vrasa. N’em euz ket a arc’hant, Saïk.
Saïk
M’oarvad. C’huec’h miz zo n’oun ket bet paeet digan-ehoc’h.
Laouik
Paeet e vezi, va moutik, paeet e vezi. Mes red eo d’id rei eur skoazell vad d’eomp. Ni a dle arc’hant leiz an daouarn.
Saïk
Da biou ?
