Adlennet eo bet ar bajenn-mañ
— 22 —
red d’eoc’h, evit dirouestla mat ar gudenn ze. Me zo, hep mar ebet, war a leverer, eun alvokad er c’hiz se.
Melki
Mat ; pegement am bezo, neuze, da baea d’eoc’h ?
Trabell, flour e vouez
O ! nebeut a dra ; eun ugent skoed bennak ha netra ken.
Melki, spontet
Nebeut a dra, mil malloz ! ugent skoed nebeut a dra ? kentoc’h mervel eget rei ugent skoed.
Trabell
Mat ; laouen e vezin gant pemzek.
Melki, drougig ennan
Tra, tra, tra ! Dirak eun dispign ker bras se, me a gav gwelloc’h d’in chom hep alvokad ebet.
Trabell
Gwir ? me fell d’in beza ho tifenner kousto pe gousto ; dek skoed. Melki a dav. Pemp skoed ?