Adlennet eo bet ar bajenn-mañ
— 30 —
Alban
Evit mat ?
Lannig, a vouez krenv.
Ia, tanfoultr !
Krenn, o skei gant Lannig a daoliou baz.
Ar raok ar jabadao !
Alban, o skei gant Lannig a daoliou baz.
Ar raok fest ar vaz ! Skei stard a reont. Eun archer a zeu goestad, hep beza gwelet.
Lannig, o krial.
Awalc’h ! awalc’h, aotrounez, awalc’h ! Emaoc’h ganti. Me ne ket medisin oun ! Tra ! tra ! tra ! tra ! N’oun nemet miliner, miliner a viskoaz, miliner da viken.
15 DIVIZ
An hevelep re. An archer
An archer
Pe vedisin, pe viliner, an dra ze ne ra netra. Me am eus ho kwelet, ho taou. Edoc’h o skei gand an den paour ma evel gand eur groc’hen vioc’h. Perag ta ?
Alban
Hennez, daoust ha n’eo nemet miliner ha netra ken, a veze atao en dro d’hor c’hlanvourien, hag a denne diganto al liardou dleet d’eomp.
An archer
Ne ket eun abeg eo evit flastra eun den, kouls lavaret, a daoliou baz. Me lavaro d’ar barner.
