dage hac er schism, eit er peah é mesq er grechénion. Hum gonsacret de Zoué eit er chervigein guet mui a fidélité er rest a hou puhé. Pedet er Uiriés santel, hou ç’Æl mat, sant Jojeb, hou Tad seraphiq sant Françæs, de drugairécat hun Salvér eit oh. Mæs groeit ma padou hou ç’act a drugairé quehæt èl en dé-cé. N’en det quet d’ancoéhat quênt en noz er bonheur bras e hoès bet de vitin : groeit hou possibl eit bout fidelloh de Zoué durand en dé-cé.
Ur Gommunion groeit guet en dispositioneu-zé e laqueï de gresquein énah er fréh admirabl a græce Doué, hac hou sàuou é bèr amzér d’ur santeleah ihuel. Rac-cé, dalhet chonge perpet é ma er Gommunion en action, en dra a vrassan conséquance e eilet gobér én hou puhé ; de laret-é, é ta madeu bras a nehi mar bai groeit mad, ha malheurieu bras mar bai groeit fal. Groeit enta ma chervigeou hou ç’ol obéreu aral de zisposition dehi.
UIR é n’en dé quet necessær absolumant gobér retræt eit bout salvet ; mæs neoah ellein e rér laret é ma ur moyant
