Pajenn:Goasdoué - Kanaouenno en yez Treger.djvu/56

— 46 —

E pad ar gouspero, de ’rôk ar pardon bras,
Ewit hijan ar rew strake ar penno-baz.

Ha goude ’vije bec’h, ’tre Kerne ha Gwened,
'Wit gôut piou a dougje ar Zant ’maez ar vered.

E-pad kantvlawejo, bep bla, da Zant Servez
Hon zud koz, tud a fe, ’deue gant levenez.

Evelte, Bretoned, karomp sent koz hon bro,
Ha ’n em blijomp o vont bep bla d’o fardonio.

————

DIRAK EUR BE

(En Sant-Servez.)

————

Me ’blij d’in, ’kreiz sioulder an noz,
Selaou mouez ar wazig-dour
A dremen dre ar vered koz,
’N eur drouzal ken sioul, ken flour !
Sioul ha flour, gwazig, ’ve da vouez,
’N eur dremen dre ar vered,
Ha gôut a rez e tremenez
’Kichen korfo douaret ?

Dcus, ma c’hori, betek ar vered.
Deus da welet ar beio !
Marteze, da zour binniget
E servijo da zaero.
Dirak ar be-ze, traez warnan,
En-harz eur groaz-venerez,
Greomp, mar karez, eun dihan ;
Marteze ’klewfomp eur vouez.

A bep tu d’imp man na glewan
Nemet mouez ar wazig-dour,
Gant trouz an awel o c’houezan
Gwech-ha-gwech en beg an tour.