Adlennet eo bet ar bajenn-mañ
PREZEGEN pe DISKOURZ diwar-benn an
holl votadejer deuz ar vro.
holl votadejer deuz ar vro.
――――――
Me ho ped pinvik ha paour da bresta ho silanz
Ma teuin da ziskleria ebarz en ho prezanz
Ar pez zo war ma spered en devez a hirie
Mez na lavarin netra nemed ar wirione.
Mam-skrid ma frezeg a zo an eleksiono
Pere ebarz en Bro-C’hall a ve gret en peb bro.
Evid choaz kandidaded da zoned d’hon difenn,
Dirag ar gouarnamant da ober al lezen.
Renti ran meulodiou da Chouarnamant Frans
Pehini a c’hourc’hemenn gant kalz deuz a brudanz,
Mez en eleksionou na ve ket lealded
Na justis nag honestiz evel ma c’h eo dleet.
Ha daoust d’ar gourc’hemenn mad pehini zo roet
E weler dislealded ’barz en peb bro bepred.
Gant tud pinvik ha tud paour, tud a beb kalite
E weler dislealded ebarz en peb kontre.
