1. Pe houiehen galand, n’em hareheh ket hui,
M’hum lakehé gran én doar de houiùein
N’hou pehé ket en dous e faut d’oh de garein.
2. Mar det hag hum lakat gran én doar de houiùein
M’hum lakou mé kogig, ha kogig mat,
Me zizoarou er gran ha ean vou d’ein erhat.
3. Mar det hag hum lakat kog eit me haouit mé,
M’hum lakou mé gadig ér segaleg,
Eit me haouit, galant, red e vou d’oh ridek !
4. Mar det hag hum lakat gadig ér segaleg,
M’hum lakou jiboésaour, jiboésaour mat,
Me jiboései er had ha hi vou d’ein erhat.
5. Mar dé é jiboésat é kredet me haouit,
M’hum lakou silien ér mor é kuhet,
N’hou pou ket en dousig e hani e garet.
6. Mar det hag hum lakat silien é dan er mor,
M’hum lakou pisketaour, pisketaour mat,
M’hou pisketei silien, ha hui vou d’ein erhat.
7. Mar hum hret pisketaour, aveit me haouit mé,
M’hum lakou mé rozen ar ur bodig,
Kaer hou pou hui gobér ne vein ket hon tousig.
8. Mar det hag hum lakat rozen ar er bodig,
M’hum lakou jardrinour, jardrinour mat,
Me drohou er rozen ha hi vou d’ein erhat.
9. Mar dé eit me haouit hum hreet jardrinour,
M’hum lakou me goal glan ar men gulé,
Ne vein ket hon tousig deustou d’hou karanté.
10. Mar det hag hum lakat goal glan ar hou kulé,
M’hum lakou sourzien, sourzien mat,
Me huellei d’oh plahig ha hui vou d’ein erhat.
11. Mar hum hret sourzien aveit me haouit mé,
Me hum lakou mé marù, marù ha béiet,
N’hou pou ket en dousig en hani e garet.
12. Mar det hui ha merùel, me iei é léh Sant Pèr,
Me hoarnou dor en nean, ia me mestréz,
Hui e vou men dousig pé hui chomou er méz !…
