Pajenn:Gwennou - Santez Trifina.djvu/59

Adlennet eo bet ar bajenn-mañ
38

« Kas gan-id d’am zi-plouz ar goz wezenn-derv-ma…!
« Gwall ien eo ann amzer hag ebad eo tomma,
« Pa ve kuzet ann heol, ouz eunn tantadik koat… »
   — « Pa gomzez, eme Iann, ken flour, ken deread
« Taolomp ar goz dervenn er c’harr hag, hep dale,
 « Deornp da Ger-Huelvar… Ann Aotrou, marteze
« A gavo e viñ bet pell oc’h ober va zro… »
   — « Mar fell d’ezhañ krozal, Iannik, m’hen distano…! »
Ha n’eo ket eunn taol brao hen-nez…?
 

Kervoura

                                          E gwirione,
N’am bije birviken sonjet e kement-se !
Kemer karr ha kezek ann den az poa laeret
Da gas da breiz d’az ti…
 

Roll

                                      C’houi a zo zouezet…?
Kals kaeroc’h am euz great… Mes me a wel a-hont
Eunn den a zremm garo war-zu enn-omp o tont…
Piou ar foeltr eo hen-nez…?
 

Kervoura

                                      Pe fors a ra d’iñ me ?
 

Roll

  Mad ! ze a zell ouz-oc’h…! Ha mar klask koulskoude
Gouzout piou omp hon daou, petra a lavarfomp ?
 

Kervoura

  Lar ar pez a gari !
 

Roll

                           Aotrou, en em glevomp !
Ar c’hañfard-se, me gred, a zo eur gwall ebeul
Hag he vaz a zo hirr ha teou evel eur peul
Hegal a raï ouz-omp, ann dra-ze a zo sklear,
Mar en em zikouromp, e vo brao he afer…
 

Kervoura

  Gwir a larez, va den… Fisiañs am euz enn-oud !
Gwelomp eta penaoz e troïo ann darvoud !