Pajenn:Gwennou - Santez Trifina.djvu/65

Adlennet eo bet ar bajenn-mañ
44


Flamm

                                                  Doue
Ho tigollo, va mestr…
 

Kervoura

                                  Pe Satan, marteze !
Da c’hortoz, it buan, ha na zaleit ket…
                     (Choum a ra da selaou.)
N’oc’h euz ket, evel-d-ouñ, eunn drouz bennag klevet ?…
Fazi braz a rañ-me, ma ne d’eo Gar-Orjal…!
 

————


EIZVED PENNAD


————

 
Kervoura, e-kreiz ann teatr.
Flamm ha Roll, a-gleiz hag a-zeou d’hezan.
Gar-Orjal a zigouez, dre weled ann teatr.

 

————


Gar-Orjal

  Me ho salud, va mestr, doujuz evel gwechall…!
 

Kervoura

  Ha kelou mad a zo…?
 

Gar-Orjal

                           Keloiou a zoare…!
Ho kaloun a drido o klevet anez’he…!
Ar strobinellerez…
 

Kervoura

                            Peoc’h ! kas ann daou den-mañ
Da di ar c’hemener a gavi ann tostañ :
Gwisk anez’ho erfad gand dillad a zoare…
Ho gopraet am euz hag-adalek hirie,
E vi mestr war-n-heze, ha va gourc’hemennou
A erruo gant’he, bemdeiz, dre da c’henou…
Kea ha distro buan…
                    (Roll ha Flamm a ia kuit)
 

Gar-Orjal

                                 Aotrou?…