O me hroaidur, guet confianç,
Lar d’em halon ha drebilleu :
Ya, me zoucei hemb doutanç,
Me zoucei ol ha boénieu.
O Mam Santel, etc.
M’inean, er voéh-cé amiabl
Zou boéh Mari Rouannès en né ;
Ah ! doh ur stad quet miserabl
Calon ur vam en dès truhé.
O Mam Santel, etc.
É huélèt quement a sourci,
Hà te chomou hoah ahurtet ?
Cheleu quêntoh doh boéh Mari,
Ha quênt pêl é vei consolet.
O Mam Santel, etc.
Na doucet-é, Mam truhéus,
Hou poéh aveit queih péherion !
Hi hul laqua de vout eurus,
Hi e rant er joé d’hur halon.
O Mam Santel, etc.
