— 175 —
|
Hou ç’ineam e blèg idan volanté Doué,
Hemb ne glah gobér hi-memb hé volanté ;
Ne ven meit un dra, ne glah meit un inour,
Plijein d’hé Hrouéour.
Revou gloër d’en Tad en dès ol hur hrouéet,
Revou gloër d’er Mab en dès ol hur prenet,
D’er Sperèd, mamen ag er sclærdér divin,
Gloër de virhuiquin.
|
ÉN INOUR D’ER GUÉRHIÉSÈD.
Ton : N° 77.
Jesus, courôn er Gùérhiésèd,
Gannet ag er Huérhiès Vari,
Hemb n’hi dès collet hé gùérhtéd,
Cleuet hur boéh, ni hou supli.
Tro-ha-tro d’oh er gùérhiésèd,
Avel boquetteu fourdelis,
E gav, é héli ou frièd,
Én ol léhieu, er baraouis.
Ne vern de béh costé é het,
Ind hou héli én ur gannein ;
Ou chonj e zou guet-n-oh parpet,
N’arsàuant quet a hou mêlein.
Tad carantéus ha tinér,
Reit græç d’hur horv ha d’hur sperèd
Aveid hum hoarn é peb amzér
Doh couciadur er péhèd.
Nerh, inour, gloër, mêlation
D’en Tad, d’er Mab, d’er Sperèd-glan,
Un Doué hemb quin é tri person,
Querclous ar en doar èl én nean.
|
————
