Ar bajenn-mañ n'eo ket bet adlennet
OFREIN E HRÉR
EL
LIVR-MEN D’ER HUÉRHIÈS.
————
O Mari ! ô me mamt ! ô m’avocadèst ! jamæs ne hoès dilézet er ré en dès liou pedet a galon. Forcet-on d’avouéein mé memb, é fas en nean hag en doar, en e hoès liès reit d’ein hilleih a vercheu ag hou caranté tinér ! Ah ! èr momand-men, é spécial, en e mès dobér ag hou secour. Ne houyan, ne hellan nitra a han-an me hunan ; mæs er gonfians e mès én-oh, e ra d’ein ur gonfortans vras.
Doh-oh, ya, doh-oh, Gùérhiès santel, en hum adressan, én ur scrihuein er guirieu quetan ag el livr-men. D’oh en er gloëstran : étré hou teourn en el laquan.
É presans hou limaj santel ha croéz hou Mab Jesus en er homposan aveid en dud youank, péré e hoès perpet câret guet er garanté tinéran. Én-oh é fiant ol er fréh e zeliant tennein a nehou.