O tud youank ! hui zou el loden préciussan
a zevèd Jesus-Chrouist ! D’er ré youank èl
oh é ré, én amzér ma oé ar en doar, er
brassan mercheu a garanté ; ean e hré dehai
tostat dehou, e zigueoré é zivréh eid ou
receu, ou sterdé ar é galon, ou boqué hag
ou benigué.
Èl-cé hoah, é huélet en Iiis doh hou cârein. Én-oh en hi dès iaqueit hé honfians hag hé espérans ! Ar-n-oh é talh hemb cess, èl ur vam carantéus, er selleu éhuéhettan ; hou conservet pur ha caèr dirac deulegad Jesus hé frièd, e zou hé brassan soign ha sourci.
Ah ! ne blantet quet ur glean è calon ur Vam quer carantéus ! Sellet doh en dareu e hret dehi hamdé scùil ar hou tisordreu ; alas ! deuhantérein e hra hé halon guet er glahar é huélèt ur bed trompér ha coromplet doh hou stleijein d’er brassan fallantéieu ; é huélèt Satan, èl ma lar sant Pièr, é troein hemb cess tro-ha-tro d’oh èl ul lion furius péhani e glasq hou tivorein !