Adlennet eo bet ar bajenn-mañ
AN ANKELC’HER
Pez-c’hoari fentus e 3 Lodenn
Gant Potr Juluen
Gant Potr Juluen
Ar jeu a dremen en eun ti da feurmi e kêr Lomikel-an-Trèz
————
C’HOARIERIEN :
Luch ar Bitouz, gwaz Mari Bikaouik.
Mari Bikaouik, e wreg.
An Ankelc’her, eur pôtrig 10 vla pe wardro, gwisket e diaoul bihan.
Eur Barner.
Bobaleon, karget da feurmi an ti evit e berc’henn.
Draskik, archerien
Chikrotik,
Lupik, eun tamm krennard, mevel marc’hadourez er vourc’h.
Lanchen, devezourien.
Liten,
Bibichen, medesin.
————
KENTAN LODENN
————
KENTAN PENNAD
AR BOBALEON
Ar Bobaleon (Eur skubelenn gantan, e neta eun tamm an ti en eur ganan).
— « Me ’m eus eun nez moualc’h ’n em harz,
Ha pevar u ebarz. » (d.v.)
— « Ro lod aneze d’in, lâr Yann,
« Ro lod aneze d’in. »
— « Oh ! ne ran, oh ! ne ran ket !
« Rak droug vefe 'n em gwreg. » (d.v.)