Pajenn:Kantigou brezonek eskopti Sant-Brieg ha Landreger, 1934.djvu/68

— 68 —

Diskan.

Mamm Doue, Rouanez Breiz-Izel,
Selaouit eus an Neñv diskan ar Vretoned
Koulz hag hon tadou-koz ni vo betek mervel
Da Jezuz da Vari bepred
Koulz hag hon tadou-koz ni vo betek mervel
Da Jezuz da Vari bepred
Da Jezuz da Vari bepred.


1. Gant hon tud-koz ’dal ma oe savet
   Eun aoter d’hon Salver Jezuz
   En e c’hichen e veze kavet
   Aoter e Vamm drugarezus.
   
   
2. Pa gavent re bounner ar vuhez,
   Diganti e klaskent sikour,
   Diganti e c’houlennent truez
   En o foaniou, en o labour.
   
   
3. Pa sone drant kloc’h he fardoniou,
   Bras ha bihan, ’leiz an hentou,
   E teredent eus an holl gêriou,
   ’n eur gana he meuleudiou.