Pajenn:Kantigou brezonek eskopti Sant-Brieg ha Landreger, 1934.djvu/69

Adlennet eo bet ar bajenn-mañ

— 69 —

Pa sone trist o eur diweza(n),
O daouarn stardet ouz ar Groaz,
A galon kent kuitaat ar bed-man,
E c’halvent Mari eur wech c’hoaz.
Breman ganti dirak tron Jezuz,
Emaint bodet er Baradoz :
Ganti d’hon tro ni a vo eürus
Mar heuliomp roudou hon tud-koz.

N° LVIII. — Da Vari evit ar Vretoned divroet.

$\version "2.22.0" \score { \new Staff { \relative c'{ \tempo "" 4.=69 \key d \major \time 3/8 \partial 8*1 b'8 a4 fis8 | d4 e8 | fis4 g8 | a4.~ \break a8 r b | a4 fis8 | d4 e8 | fis4 g8 | a4.~ \break a8 r a | a4 d8 | cis4 b8 | a4 g8 | fis4.~ fis8 r b | a4 g16( fis) | e4 fis8 | g4 e8 | d4.~ | d8 r \bar "|." } \addlyrics{ Ma -- ri pa’z oc’h Mamm Breiz -- I -- zel Ni ho ped da deu -- rel eur sell War meur a Vre -- ton di -- vro -- et Ha ga -- nimp -- ni n’ho pe -- dont ket. } } \layout { indent = #00 line-width = #123 } \midi { } } \header { tagline = ##f }$

Mari pa’z oc’h Mamm Breiz-Izel
Ni ho ped da deurel eur sell
War meur a Vreton divroet
Ha ganimp-ni n’ho pedont ket.
An delienn c’hlas, eur wech distag
Diouz ar wezenn he doug, he mag,
Kaer he deus nijal ha bale,
Er poull a vreino hep dale.
Evel-se kalz a Vretoned.
Pell diouz ar gêr pa ’z int tec’het
A wenv a gorf hag a galon
Hep Doue na relijion.
Kalz a zismantr ’hed an hentou
Pinvidigez o eneou.
War zigarez gounit arc’hant
A freg sae wenn o badeziant.