Urbs Briocensis, tuus ecce Præsul
Æthera scandit.
2. Qui Deo plenus super astra fulget,
Hac die turmis Superum verendis
Additur : pronus meritos et orbis
Reddit honores.
3. Igne quæ sacro caluere membra,
Invium corpus maculis pudoris,
Non jacent, cœlo prohibente, putris
Vermibus esca.
4. Mille portentis tumulus coruscat :
Quæ Patris supplex veneratur ossa,
Turba languentum reperit petitam.
Ægra salutem.
5. Hic puer mersus rapidis sub undis
Redditur vitæ ; pedibus resurgit
Hic genu nixus, manibusque reptans;
Detumet hydrops.
6. Huc volant gentes, memores rependunt
Dona certatim : cumulantur aræ;
Præsulis sacras rediviva virtus
Perficit ædes.
7. Urbs nimis felix, veneranda tellus.
Inclyti dives cinerum Patroni,
Vindicis sistunt quoties ruentem
Numinis iram ?
8. Summa laus Patri, genitoque Verbo;
Laus tibi compar, utriusque nexus,
Nos bonus per quem societ superno
Christus ovili. Amen.
V./ Salvum fecit Dominus Christum suum.
R/. Exaudiet illum de cœlo sancto suo.
1. Te gestientem gaudiis,
Te sauciam doloribus,
(...)
[Ha kemend-all.]
