Pajenn:Kantikou brezonek eskopti Zan-Briek ha Landreger.djvu/31

— 26 —

2. Er mister-man, Tad madelezus,
   Enem roet d’ho pugale :
   Ho Korf zantel, ho Koad presius
   Zo magadures hon ine ;
   Mes evit ma vezimp preparet
   D’ho tigemer en hon c’halon,
   Digaset warnomp ol ho Speret,
   Da zevel d’ac’h eur c’haer a dron.
   
   
3. Gloar d’an Tad eternel, hon C’hrouer,
   Ha Krouer kement a zo mad ;
   Gloar ive da Jezuz hon Zalver,
   A n-euz hon prenet gant e voad ;
   Gloar d’ar Speret a ro d’an ine
   Ners da gerzat er gwir Lezen ;
   D’an tri Ferson ’n eur memes Doue
   Gloar ha meulodi da viken !
   

---

N° 16. — Me hoc’h ador, ma Jezus.

1. Me hoc’h ador, ma Jezus, euz a greiz ma c’halon ;
   C’houi eo Doue ma C’hrouer, c’houi zo den eveldon :
   O pegen braz karante, kemer hon zempladur,
   Hag er Zakramant zantel bezan hon magadur !