Pajenn:Kantikou brezonek eskopti Zan-Briek ha Landreger.djvu/36

— 31 —

1. Kanet, ele, d’hon Otrou
   Ho kantikou kaeran,
   Beniget anezan
   Genimp euz e ol c’hrasou.
   
   
2. Biskoas tad na oe gwelet
   Ken mad d’e vugale,
   Ken zoursius noz de
   D’ho dioual korf ha speret.
   
   
3. Pastor karantek meurbet
   Na espern ket e boan,
   Klask a ra heb ehan
   An danvad kez dianket.
   
   
4. Lamet a n-euz an anken
   A ziwar ma speret,
   Trec’h d’ar c’hig ha d’ar bed,
   Toret a n-euz ma chaden.
   
   
5. Ma rentet a n-euz pare
   Evel eur medisin,
   Hag e vanket divin
   A zo bevans ma ine.
   
   
6. Skuill a ra gant abondans
   E c’hras breman warnon,
   E goelet ma c’halon
   A n’euz gret e zemeurans.
   
   
7. Hen eo ma finvidiges,
   Ma nerz ha ma skoazel ;
   Rak se bete mervei
   Me gano e vadeles.
   

---

N° 22. — Meulomp e peb amzer.

Ton N° 21.

Diskan :

Meulomp e peb amzer  Kalon Jezus hon Zalver

$\left.{\begin{matrix}\\\\\end{matrix}}\right\}$

bis.

1. Me ho meul, o ma Jezus,
   C’houi ec’h euz ma c’hrouet,
   C’houi ec’h euz ma frenet,
   C’houi am mag, o ma Jezus
   
   
2. Mil benos d’ac’h, o Jezus,
   C’houi a zo ma fastor,
   C’houi a zo ma zensor,
   C’houi zo ma ol vad, Jezus.
   
   
3. Pec’het am euz, o Jezus,
   Alies em bue :
   C’houi ec’h euz bet true
   Ouz ma stad, o ma Jezus.
   
   
4. Ma ine paour, o Jezus,
   Genac’h zo bet goalc’het,
   Koant eo breman meurbet
   Dre ho kras, o ma Jezus.
   
   
5. Ma zikouret, o Jezus,
   Ar rest euz ma deiou,
   E kreiz ma ol boaniou,
   Bet genin, o ma Jezus !