Pajenn:Kantikou brezonek eskopti Zan-Briek ha Landreger.djvu/37

— 32 —

6. Hastet, hastet, o Jezus,
   Terri ma chadenou :
   Na pegouls en Envou
   Ho meulin, o ma Jezus !
   
   
7. Ra vezo meulet Jezus,
   Dre-ol, da bep mare !
   Ni bemnos ha bemde
   Meulomp ol, meulomp Jezus !
   

---

N° 23. — Enor ha gloar.

War an ton N° 23.

Diskan.

Enor ha gloar, da virviken,
Da Jezus-Krist Doue ha den,
Roue ha Tad e groadurien.


1. Gwejal e vrec’h ol-c’halloudus
   A hadas ar steret lintrus,
   Tro-war-dro d’e dron peurbadus.
   
   
2. Hen a n-euz krouet an Elet,
   Koantoc’h evit heol ha steret,
   D’he zerviji ha d’hon miret.
   
   
3. Gant eur gomz hepken e lakas
   An dour da vont kuit er mor braz
   Dizec’h an douar a chomas.
   
   
4. War ar parkou noaz ha hudur
   Kenkent e ledas ar glazur,
   Bleuniou ’n e douez ha magadur.
   
   
5. An den ive zo gret gantan,
   Kement hon euz a zo dezan,
   Kouls er bed-al hag er bed-man…