Mam Jezus hon Otrou,
C’houi zo dor an Envou,
Mam Jezus hon Otrou,
C’houi zo dor an Envou.
2. Gant an èl zaludet
Hag a c’hrasou karget,
Hoc’h hano, Maria,
Zo dreist hini Eva.
3. Toret liam ar pec’her,
Reit d’ar re dal sklerder ;
’Vidomp ol goulenet
Pardon hag eürustet.
4. Bezet d’imp eur Vam vad ;
Gret ma vo hon menad
En Envou kemeret
Gant ho mab beniget.
5. Gwerc’hes ar gwerc’hezet,
Dous ha dinam bepred,
Hon miret gwerc’h ive
A gorf hag a ine.
6. Gret ma kerzimp dalc’hmad
Divlam war an hent mad,
Ken a vimp gant Jezus
Da virviken eürus.
7. Gloar d’an Tad hon C’hrouer,
Ha d’ar Mab, hon Zalver.
Gloar d’ar Speret-Zantel,
Ol ners an dud fidel. Amen.
(Levr Bugale Mari).
1. Ni ho salud, Rouanes an Ele,
C’houi zo hon Mam, ar Vam a drugare,
Hon ol douster, bue hag esperans,
Ni ho salud, gant kalz a reverans.
2. D’ac’h-hu, Gwerc’hes, e kasomp hon feden,
Ni divroet ha ziouas ! pec’herien :
Ouzoc’h, Gwerc’hes, e kriomp er bed-ma,
Ni pere zo bugale da Eva.
