Adlennet eo bet ar bajenn-mañ
UNEKVED PENNAD
————
EN JERUZALEM : EIZVED DEVEZ
————
C’HOAZ OBERO A GARANTE. — SANT-YAN-AR-MENE
————
I
Eil gweladen da leandi ar Garante. — Biskoaz kement all : luz Lanrodek .
D’ar merc’her, an unekved a Wengolo. — Mad aoalc’h eo bed ma nozvez. Goude bean oferniet ouz auter ar Groaz, en iliz ar Be Santel, e tistroan da di leanezed ar Garante gant an Au. Neumager, an euz c’hoant da welet hirie ’pez am euz gwelet-me dec’h d’abarde.
Hadgwelet a reomp ar memes rummo bugale, kement a stad hag a zouez en Au. Neumager ’vel ma oa ennon dec’h. Me-ma-unan, e ti ar bautredigo krenn, e tigoue d’in chom estlammet. Setu aman perag ha penauz.
