Adlennet eo bet ar bajenn-mañ
DAOUZEKVED PENNAD
————
EN JERUZALEM : NAVED HA DEKVED DEVEZ
————
I
’Læc’h ma oe merzeriet sant Stefan. — Eur blei deut da vean danvad.
D’ar yaou, an 12ed a Wengolo. — Hirie e laran ma oferen en iliz Sant-Stefan, a zo e-mæz ar gær, eun c’hart leo bihan euz dor Damaz. En tu an hanter-noz en em gav an nor-man, ar c’hæran euz re Jeruzalem. Evit enori al læc’h ma oa bet merzeriet ennan sant Stefan, e reaz an Impalaerez Eudoxia, pevar c’hant vla goude, sevel eno eun iliz-veur. Mes dont a reaz e-traou ’vel kalz a ilizo all, ar blavez 614, diskaret gant Kosroes, roue Bro-Bers.
Bean ’zo c’houæc’h pe zeiz vla ’boue ’zo bet kavet
