Ezaü a zeuaz da veza eur chaseer ijinuz, eun den a barkeier, mes Jakob a oa peoc’huz, euz en em zerc’hel en tantennou. 28 Hag Isaak a garie Ezaü ; rag jibier a oa euz he c’hoût ;, mes Rebeka a garie Jakob.
29 Evel ma poaze Jakob legumaj, Ezaü a zeuaz euz ar maeziou hag e oa skuiz.
30 Ezaü a lavaraz da Jakob : Ro din, me az ped, da zibri euz ar rouz-se, rag gwall skuiz on. Setu perak e oa galvet Edom (= rous).
31 mes Jakob a lavaraz : Gwerz din da genta da henanded.
32 Ezaü a lavaraz : Setu, ez an da vervel, da betra e servijo din an henanded ?
33 Jakob a lavaraz : Tou din da genta. Hag e touaz dezhan hag e werzaz e henanded da Jakob.
34 Jakob a roaz da Ezaü bara ha legumaj piz-rous, hag e tebraz hag ec’h evaz. Neuze e savaz hag ez eaz kuit. Evel-se Ezaü a zisprizaz an henanded.
26 Bez’ e oe eun naonegez er vro-se, ouzpen an hini genta a oa bet en amzer Abraham. Izaak a yeaz etrezek Abimelek roue ar Filistined, da C’herar.
2 An Aotrou en em ziskouezaz dezhan hag a lavaraz : Na zisken ket en Ejipt, chom er vro a lavarin dit.
3 Chom er vro-man, ha me a vezo ganit hag a vennigo ac’hanout. rag rein a rin dit ha da’z lignez an holl vroiou-se hag e rin hervez al le am euz groet da Abraham da dad.
4 Kreskin a rin da lignez evel stered an envou hag e roin da’z lignez an holl vroiou-se. Holl vroadou an douar a vezo benniget ez lignez,
5 dre m’en deus sentet Abraham ouz va mouez ha miret ar pez am boa urziet dezhan, va gourc’hemennou, va reolennou ha va lezennou.
6 Izaak a chomaz eta e Gerar.
7 Pa c’houlenne tud al lec’h-se diwar-ben e wreg, e lavare : Va c’hoar eo. rag aon hen doa lavarout : Va gwreg eo. rag lavarout a rae : Va lazfe tud al lec’h-se en abeg da gaerded dremm Rebeka.
8 C’hoarvezout a reaz p’en doe tremenet eun amzer pell a-walc’h eno, ma sellaz Abimelek roue ar Filistined dre ar prenestr, hag e welaz Izaak o c’hoari gant Rebeka e wreg.
9 Abimelek a c’halvaz Izaak hag a lavaraz : Anat eo penaos eo da wreg. Perak ec’h euz lavaret : Va c’hoar eo ? Izaak a respontaz : Komzet em euz evel-se rag aon am euz bet na vijen lazet en abeg dezhi.
10 Abimelek a lavaraz : Petra ac’h euz groet deomp ? War-vete nebeut unan bennak euz ar bobl en dije kemeret da wreg hag hol lakaet kablus.
11 Abimelek a roaz an urz-man d’an holl bobl : An hini a stoko ouz an den-se pe ouz e wreg a vezo lakaet da varv.
12 Izaak a hadaz en douar-se, hag e tastumaz er bloaz-se kant kemend-all rag an Aotrou e vennigaz.
13 An den-se a zeuaz da vezan braz, hag ez ae bepred en eur greskin betek ma teuaz da vezan gwall binvidik.
14 Bez’ en doe tropellou denved ha tropellou ejened, hag eun niver braz a servijerien. Ar Filistined o doe gwarizi outhan,
15 hag e leugnjont an holl bunsou toullet gant servijerien e dad en amzer Abraham e dad. Ar Filistined o leuniaz gant douar hag o stouvaz.
16 Abimelek a lavaraz da Izaak : Kae kuit ac’hann, rag deuet out da vezan kalz galloudusoc’h egedomp.
17 Izaak a yeaz kuit, a gampaz e traonien Gerar hag a chomaz enni.
18 Izaak a doullaz eno a-nevez punsou dour a oa bet toullet en amzer Abraham e dad hag a oa bet stouvet gant ar Filistined goude marv Abraham, hag e roaz dezo an hevelep anviou evel m’en doa roet e dad.
19 Servijerien Izaak a doullaz er blaenen, hag e kavjont ennhi eur puns dour beo.
20 Mesaerien Gerar a glaskaz tabut ouz mesaerien Izaak, o lavarout : An dour a zo deomp. Gervel a reaz ar puns Esek (= tabut) dre m’o doa stourmet gantan.
21 eur puns all a doulljont, hag evitan ivez e klaskjont tabut. Gervel a reaz anezhan Sitna (= tamall)
22 Mont a reaz ac’hane hag e toullaz eur puns all, na glaskjont ket tabut evitan. Gervel a reaz anezhan Rehobod (= tachad ledan), hag e lavaraz : brema eo en deus ledanaet an Aotrou deomp, hag e kreskimp er vro.
23 Ac’hane e pignaz da Veer-Sheba.
24 An Aotrou en em ziskouezaz dezhan en noz-se hag a lavaraz : Me eo Doue Abraham da dad. Na’z pez ket aon, rag e vin ganit hag e vennigin ac’hanout hag e kreskin da lignez abalamour da Abraham va servijer. 25 Neuze e savaz eno eun aoter hag e c’halvaz hano an Aotrou ; hag e fichaz eno
