dilezet anezhan. 12 Setu, Doue hag he sakrifierien a zo ganeomp, en hor fenn, hag an trompiilou gant ar zon skeltruz, evit skeltri a enep deoc’h. Bugale Israel, na vrezeliet ket a enep an Aotrou, Doue ho tadou ; rag ne zeufet ket a ben a gement se.
13 Mes Jeroboam a reaz ober eun distro da eur ged, evit eruet adrenv. Evel se an Israelited a oa a fas da Juda, hag ar ged a oa endrek ar re ma. 14 Re Juda a sellaz eta, ha setu, ho doe an emgan araog ha diadre. Neuze e krijont d’an Aotrou, hag ar sakrifierien a zounaz an trompillou. 15 Hag holl dud Juda a loskaz eur griaden a vrezel, ha d’ar griaden a vrezel tud Juda, Doue a skoaz Jeroboam hag holl Israel dirag Abija ha Juda ; 16 ha bugale Israel a dec’haz dirag re Juda, ha Doue a livraz anezhei entre ho daouarn. 17 Abija hag he bobl a reaz eur garnach vras, hag e kouezaz euz a Israel pemp kant mil den skoet d’ar maro. 18 Evel se bugale Israel a oe humiliet en amzer ze ; ha bugale Juda a zeuaz krenv, abalamour ma oant en em harpet var ar Aotrou, Doue ho zadou.
19 Hag Abija a genredaz Jeroboam, hag a gemeraz ar c’heariou dezhan : Bethel hag he c’heariou trozro, Jeshana hag he c’heariou trozro, Efron hag he c’heariou trozro. 20 Jeroboam n’hen doe nerz ebet ken enpad amzer Abija ; hag an Aotrou a skoaz anezhan, hag he varvaz. 21 Mes Abija a zeuaz galloudek. Kemer a reaz pevarzek greg, hag hen doe daou vab varn-ugent ha c’hwezek merc’h. An nemorant euz a oberou Abija, hag he ren, hag he gomzou a zo skrivet en memoriou ar profed Iddo.
14 ABIJA a gouskaz gant he dadou, hag e oe sebeliet en kear David ; hag Asa, he vab, a renaz en he blas. En he amzer, ar vro a oe en diskwiz enpad dek vloaz. 2 Asa a reaz ar pez a oa mad ha reiz dirag daoulagad an Aotrou, he Zoue. 3 Lemel a reaz kwit an aoteriou estranjour hag al lec’hiou huel ; torri a reaz ar statuiou hag e lekeaz skeuden Ashera a damou. 4 Hag e c’hourc’hemennaz da Juda klask an Aotrou, Doue ho zadou, ha pratika al lezen hag ar gourc’hemennou. 5 Lemel a reaz al lec’hiou huel euz a holl geariou Juda hag ar peuliou kensagret d’an heol. Hag ar rouantelez a oe en peoc’h dirazhan.
6 Sevel a reaz keariou krenv en Juda ; rag ar vro a oe en peoc’h ; hag enpad ar bloaziou ze ne oe ket a vrezel a enep dezhan, abalamour ma roaz an Aotrou diskwiz dezhan. 7 Hag e lavaraz da Juda : Sevomp ar c’heariou ma, ha troiomp anezhei a vogerou, a douriou, a zoriou hag ar sparlou ; ar vro a zo c’hoaz dirazomp ni, abalamour ma hon deuz klasket an Aotrou hon Doue ; hen adkasket hon euz, hag Hen deuz roet diskwiz deomp a bep tu. Evel se e savchont hag e prosperjont.
8 Hag Asa hen doe eun arme a dri c’hant mil den euz Juda, o tougen an diren vras hag ar gwaf, ha daou c’hant pevar-ugent mil euz Benjamin, o tougen an diren vihan hag o tenna gant ar gwarek, holl brezelerien kalounek. 9 Mes Zerak, an Etiopian, a ieaz a enep dezhei gant eun arme euz a eur milion a dud, ha tri c’hant kar ; hag e teuaz bete Maresha. 10 Hag Asa a ieaz araog dezhan, hag en em renkchont en brezel en traounien Tsefatha, tost da Yaresha. 11 Neuze Asa a griaz d’an Aotrou he Zoue, hag a lavaraz : Aotrou ! Te ne rez ket a zishenvelded evit zikour, pe e ver kalz pe hep nerz ! Zikour ac’hanomp, Aotrou, hon Doue ! rag ni a zo en em harpet varnout, ha ni a zo deuet en da nano a enep ar vanden ma. Te eo an Aotrou, hon Doue : ra n’en em savo ket an den a enep d’id-te !
12 Hag an Aotrou a skoaz an Ethiopied dirag Asa ha dirag Juda ; hag an Ethiopied a dec’haz kwit. 13 Aza hag ar bobl a oa ganthan a genredaz anezhei bete Guerar, hag e kouezaz kement a Ethopied, ken ne heljont ken en em gaout ; rag brevet e oant dirag an Aotrou hag he arme, hag e oe dizouget eun diwisk bras a gement ze. 14 Skei a rejont an holl geariou en dro da Guerar, rag spount an Aotrou a oa varnezhi ; hag he tiwischont an holl geariou ze, rag kalz a ziwisk a oa ennhei. 15 Skei a rejont ive tantennou an tropellou, hag e tigaschont ganthei denved ha chamoed en niver bras ; goude e tistrojont da Jerusalem.
15 Neuze Spered Doue a oe var Azaria,mab Oded. 2 Hag ez eaz araog Asa, hag e lavaraz dezhan : Asa, ha Juda holl ha Benjamin, selaouet ac’hanoun ! An Aotrou a oe ganeoc’h pa vec’h ganthan. Mar klasket anezhan, c’hwi he gavo ; mes mar dilezet anezhan, e tilezo ac’hanoc’h. 3 Enpad pell eo bet Israel hep gwir
