Zakur, mab Imri, a savaz a gostez dezhei.
3 Bugale Senaa a savaz dor ar pesked ; ober a rejont ar c’hoadach, hag he lekejent an dorikellou, ar moraliou hag ar barennou. 4 A gostez dezhei Meremoth, mab Uri, mab Kots, a labouraz d’an dreseur. Neuze, en ho c’hichen, he labouraz Meshullam, mab Berekia, mab Meshezabeel. A gostez dezhei e laboure Tsadok, mab Baana. 5 En ho c’hichen, e laboure an Deokited ; mes ar re vraz anezhei n’en em renkjont ket en zervich ho aotrou.
6 Jojada, mab Paseach, ha Meshullam, mab Besodia, a fichaz an nor goz ; ober a rejont ar c’hoadach anezhi, hag he lekejont an dorikellou, ar moraliou hag ar barennou. 7 En ho c’hichen e laboure Melatia, ar Gabaonit, Jadon ar Meronothit, tud Gabaon ha Mitspa, pere a oa euz palez ar gouarner euz ar c’hostez ze euz ar rivier. 8 En ho c’hichen he laboure Uzziel, mab Harhaja, a douez an orfedourien, hag a gostez Hanania, a douez ar barfumerien. Lezel a rejont al loden euz a Jerusalem pehini a zo beteg ar voger ledan. 9 En ho c’hichen, Refaja, mab Hut, chef eun hanter kartier a Jerusalem, a laboure d’an dreseur. 10 Hag a gostez dezhei Jedaja, mab Harumaf, a laboure dirag he di. Hag en he gichen e laboure Hattush, mab Hashabnia. 11 Malkija, mab Harini, hag Hashub, mab Pachath-Moab, a zresse eun eilved loden, ha tour ar forniou. 12 En ho c’hichen, Shallum, mab Hallochesh, mestr eun hanter kartier a Jerusalem, a laboure ive, kenkouls hag he verc’hed.
13 Hanun ha tud Zanoak a zresaz dor an draounien ; he zevel a rejont, hag he lekejont he dorikellou, ar moraliou hag ar barennou, hag e rejont mil illinad moger, bete dor an teil. 14 Malkija, mab Recab, mestr kartier Beth-Hakkerem, a zresaz dor an teil ; seval a reaz anezhi, hag he lakeaz he dorikellou, ar moraliou hag ar barennou. 15 Shallum, mab Kol-Hoze, mestr kartier Mitspa, a zresaz dor ar feunteun ; he zeval a reaz, he golo ha lakeat a reaz he dorikellou, ar moraliou hag ar barennou, hag e labouraz ive en moger stang Shelak, tost da jardin ar roue, ha beteg an degreou pere a zisken da gear David.
16 Goude hen, Nehemi, mab Azbuk, mestr eun hanter kartier euz Bethtsur, a zresas bete dirag beziou David, beteg ar stank groet, ha bete ti an dud nerzuz. 17 Goude hen al Levited a labouraz d’an dreseur : Rehum, mab Bani ; en he gichen e labouraz Hashabia, mestr hanter kartier Keila, evit he gartier. 18 He c’houde, ho breudeur a labouraz Bavai, mab Henadad, mestr euz eun hanter kartier a Geila ; 19 hag en he gichen Ezer, mab Jeshua, mestr Mitspa, a zresas eun eilved loden, dirag sav ar c’horn krenv. 20 He c’houde, Baruk, mab Zabbai, a labouraz gant arder eun eilved loden, adaleg ar c’horn beteg antre ti Eliashib, ar sakrifier bras. 21 Goude hen, Meremoth, mab Uri, mab Kots, a zresas eun eil loden, adaleg antre ti Eliashib bete pen ti Eliashib. 22 He c’houde e labouraz ar sakrifierien euz ar vro tro vardro. 23 Ho goude, Benjamin hag Hashub a labouraz dirag ho zi. Ho goude, Azaria, mab Maaseja, mab Anania, a labouraz en kichen he di. 24 Goude hen, Binnui, mab Henadab, a reaz eun eilved loden, adaleg ti Azaria bete korn ar c’hoin.
25 Palal, mab Uzai, a labouraz dirag ar c’horn hag an tour pehini a zeu euz a di d’an neac’h ar roue, pehini a zo var borz ar prizoun. Goude hen, Pedaja, mab Parosh. 26 Hag an Nethinied, pere a labour var ar grec’hien, a zresaz var zu ar savheol, dirag dor an doureier hag an tour a ziaveaz. 27 Ho goude, an Dekoited a zresaz eun eilved loden, dirag an tour bras a ziaveaz bete moger ar grec’hien.
28 Dreist dor ar c’hezek, ar sakrifierien a labouraz, pep hini dirag he di. Ho goude, Tsadok, mab Immer, a labouraz dirag he di. 29 Goude hen, e labouraz Shemaja, mab Shekania, diwaller dor ar zavheol. 30 Goude ze, Hanania, mab Shelemia, hag Hanun, ar c’hwec’hved mab da Tsalaf, a zresaz eun eilved loden. Goude int, Meshullam, mab Berekia, a labouraz dirag he gambr. 31 Goude hen, Malkija, mab an orfedour, a labouraz bete ti an Nethinied hag euz ar varc’hadourien, dirag dor Mifkad, ha bete krec’hien ar c’hoin. 32 Hag an orfedourien hag ar varc’hadourien a labouraz entre krec’hien ar c’hoin ha dor an denved.
4 Mes c’hoarvezout a reaz penaoz Samballat o veza anavezet ec’h adsavemp ar voger, a oe koleret ha gwal drouk ennhan. 2 Hag e reaz goab euz ar Judevien, hag e lavaraz, dirag he
