Pajenn:Le Coat - Ar Bibl Santel, 1897.djvu/522

---

ZALMOU, 89.

---

11 Diskaret Hec’h euz Rahab evel unan skoet d’ar maro ;
Gant da vrec’h galloudek ec’h euz sklabezet da enebourien.
12 D’id-Te eo an envou, d’id ive eo an douar ;
Groet ec’h euz ar bed ha kement a zo ennhan.
13 Krouet Hec’h euz an hanter-noz hag ar c’hreisteiz ;
An Thabor hag an Hermon a losk kriadennou a joa d’az hano.
14 Da vrec’h a zo gallouduz,
Da zorn krenv, da du deou savet.
15 Ar reizder hag an eeiinder eo ar zol euz da droll ;
An drugarez hag ar wirionez a vale dirag da fas.
16 Euruz ar bobl pehini a anavez ar c’hriadennou a joa !
Aotrou, bale a reont er sklerijen euz da fas.
17 En em laouenai a reont en da hano bemdez,
Hag he veulont da reizder.
18 Rag Te eo ho gloar hag ho nerz ;
Dre da faver eo savet hon c’horn.
19 Rag an Aotrou eo hon diren ;
Ar Zant a Israel eo hon roue.
20 Komzet ez poa gwech all d’az karet-mad en eur welidigez,
Hag ez poa lavaret : Prested em euz sikour da eun den nerzuz ;
Savet em euz a douez ar bobl eun den nerzuz ;
21 Kavet em euz David va zervicher,
Eoliet em euz anezhan gant va eol santel ;
22 Va dorn a vezo dalc’hmad ganthan,
Ha va brec’h hen nerzo ;
23 An enebour ne hello ket he soupren,
Hag an den fall n’hen gwasko ket ;
24 Bruzuni a rin dirazhan he enebourien,
Hag e skoin ar re a gasaa anezhan ;
25 Va fealded, va faver a vezo ganthan,
Hag he nerz en em zavo dre va hano ;
26 Lakeat a rin he zorn var ar mor,
Hag he du deou var ar rivierou.
27 Pedi a raio ac’hanoun, o lavarout : Te eo va Zad,
Va Doue, ha roc’h va zilvidigez.
28 Evel se He rin outhan ar c’henta-ganet,
Ar souveren euz rouane an douar.
29 Miret a rin dezhan va faver da viken,
Ha va c’honvenans a zo zureet dezhan.
30 Me a rento he lignez peur-baduz,
Hag he drôn evel deiziou an envou.
31 Mar dilez he vibien va lezen,
Ha ma na valeont ket hervez va urzou ;
32 Ma torront va reoliou,
Ha ma na viront ket va gourc’hemennou ;
33 Me a gastio ho fec’hed gant ar walen.
Hag ho drougiez dre c’houliou.
34 Mes na, lamin ket va madelez diganthan,
Ha na faosin ket dezhan va feiz.
35 Na dorrin ket va c’honvenans,
Ha na chanjin ket ar pez a zo deuet euz va muzellou.
36 Touet em euz eur wech dre va zantelez ;
Na c’haouiadin ket da Zavid.
37 He lignez a bado da viken,
Hag he drôn ive ken pell evel an heol dirazoun.
38 Evel al loar, he pado da viken ;
Hag en envou eun test leal.
39 Koulskoude ec’h euz he daolet kwit, he zisprijet ec’h euz,
En em erezet out a enep da Eoliet ;
40 Taolet ec’h euz kwit konvenans da zervicher ;
He gurunen ec’h euz profanet ha taolet d’an douar.
41 Torret ec’h euz he holl glejou ;
Dismantret Hec’h euz he nerzou.
42 Ar re holl a dremen dre an hent a ziwisk anezhan ;
En dismegans ema d’he amezeien.
43 Savet ec’h euz tu deou he enebourien,
Laouenaet ec’h euz he holl enebourien ;
44 Lakeat Hec’h euz beg he gleze da blega,
Ha n’ec’h euz ket he skoazellet er brezel.
45 Lakeat Hec’h euz he skeud da baouez,
Hag He drôn Hec’h euz taolet d’an douar ;
46 Bernet ec’h euz deiziou he iaouankiz,
Hag Hec’h euz he c’holoet a vez. Selah.
47 Bete pegeit, Aotrou, en em guza a ri-Te hep paouez,
Ha da goler ha beza he vezo tanet evel eun tân ?
48 Az pez sonch petra eo va buez,
Hag evit pez distervez eo Hec’h euz krouet mibien an dud.
49 Piou eo an den a helfe beva hep gwelet ar maro ?

514