12 Mar d’out fur, out fur evidout da unan ;
Mar d’out goapeer, e tougi da unan ar boan a gement se.
13 AR zotiz a zo eur vreg trubuliuz,
Zot, ha ne oar netra.
14 Azeza a ra var eur gador, en tal dor an ti,
El lec’hiou huel euz kear,
15 Evit krial d’an dremenerien
Pere a ia eeün en ho hent :
16 Ra zeuo ama an hini a zo diwiziek !
Hag e lavar d’an hini da behini he vank anaoudegez :
17 An dour distroet a zo dous,
Hag ar bara kemeret en kuz a zo plijuz.
18 Ha ne oar ket ema eno ar re varo,
Ha ma ema he re bedet en fons ar bez.
AR bugel fur a laouena he dad ; Mes ar bugel diskiant eo glac’har he vam.
2 Tenzoriou ar fallentez na dalveont netra ;
Mes ar reizder a zelivr euz ar mare.
3 An Aotrou na lezo ket an den just da gaout naoun,
Mes teurel a ra kwit gwall c’hoant ar re fall.
4 An dorn didalve a baoura ;
Mes dorn ar re labouruz a binvika.
5 An hini a zastum en hanv a zo eur mab prudant ;
An hini a gousk enpad ar vederez a zo eur mab hag a ra mez.
6 Bennoziou a zo var benn an den just ;
Mes ar violans a zerro he genou d’ar re fall.
7 Memor ar re just a vezo en bennoz ;
Mes hano an dud fall a gwezo en breinadurez.
8 An hini hen deuz eur galoun fur, a gemer an aliou ;
Mes an hini hen deuz muzellou diskiant, a gwezo.
9 An hini a vale en eeünder, a vale en asurans ;
Mes an hini a fallaa he henchou, a vezo dizoloet.
10 An hini a vlik a lagad a ra trubul ;
Hag an hini hen deuz he vuzellou diskiant, a red d’he goll.
11 Genou an den just a zo eur vammen a vuez ;
Mes ar violans a zerro geno ar re fall.
12 Ar gasouni a vout d’ar stourmadegou ;
Mes ar garante a c’holo an holl gwallou.
13 Ar furnez en em gav var muzellou an den fur ;
Mes ar walen a zo var gein an hini a zo dibourveet a skiant.
14 Ar re fur a zalc’h ar skiant a dre ;
Mes genou an diskiant a zo eun distruj tost.
15 Madou ar pinvidik eo he gear grenv ;
Mes paourentez ar re ezomek eo ho distruj.
16 OEuvr an den just a gas d’ar vue ;
Mes frouez an den fall eo ar pec’hed.
17 An hini a vir an diskadurez, a zo en hent ar vuez ;
Mes an hini a ankouez ar gastiz, en em goll.
18 An hini a guz ar gasouni hen deuz muzellou trompluz ;
Hag an hini a skul ar drouk brud, a zo eun diskiant.
19 El lec’h ma ez euz kalz a gomzou, ne vank ket da veza pec’hed ;
Mes an hini a zalc’h he vuzellou a zo prudant.
20 Teod an den fur a zo eun arc’hant dibabet ;
Mes kaloun ar fall a dal nebeut a dra.
21 Muzellou an den just a vev kalz a dud ;
Mes ar re diskiant a varvo, gant mank a skiant.
22 Bennoz an Aotrou eo a binvidika,
Ha n’He laka en ze poan ebet.
23 Ober an drouk eo joa an diskiant ;
Ar furnez eo hini an den prudant.
24 Ar pez euz pehini hen deuz an den fall aoun, en em gavo ganthan ;
Mes Doue a roio d’ar re wirion ar pez a c’hoanteont.
25 Evel ma tremen an arne, evel se ez ai an den fall kwit ;
Mes an den just en em harp var eun diaze peurbaduz.
26 Ar pez eo ar gwinegr d’an dent, hag ar moget d’an daoulagad,
Evel se eo an didalvez d’ar re a gas anezhan.
27 Doujans an Aotrou a gresk an deiziou ;
Mes bloaziou ar re fall a vezo lamet kwit.
28 Esperans ar re just eo ar joa,
