Pajenn:Le Coat - Kanaouennou kristen, 1889.djvu/136

Adlennet eo bet ar bajenn-mañ
— 126 —


81. Ar Zoudarded
7.6.7.6.7.6.7.6. — S.15.


1. En ho sa holl vugale,
Bretouned Breiz-Izel,
A greiz ho kalon hirie
Kredet d’an Aviel.
Gant ho tadou ho mamou
Sentet holl euz Jesus,
Hag eun devez en envou
C’houi a vezo eurus.

2. Bezomp zoudarded nerzus
Da Jesus hor Zalver,
Hag euz a galon joaus
Servichomp hor Mestr ker.
Euz a victoar en victoar,
Nep hen heul a ielo,
Atao dre hent ar victoar
Jesus zur hor c’haso.

3. Deus ganen eta minion
Petra ri ken aze?
En em laka a galon
’Vel d’oun en he arme.
Heuliomp lezen ar Zalver
’Despet d ar Waperien,
Pardoni ra ar pec’her
A zent euz he lezen.

4. An drompil a zon skiltrus
En hor za Bretouned,
En em gannomp kourajus
A enep hor pec’hed
Mar be drouk an enebour
Bezomp krenv ha nerzus
Deomp e vo roet sikour
Hep mank zur gant Jesus.

5. A galon ’ta, a galon
Gourenomp hed an de
Demp eta ma gwir vinion
Da vro ar garante.
D’an noz taolfomp an armou
Euz treid hor gwir Roue
Goude gwela ni gano
En baradoz Doue.


————